1- Sual: Əgər etikaf halında bədənin bir yeri nəcis olarsa, aya onu tez pak etmək lazımdır?
Cavab: Xeyr, onu tez paklamaq vacib deyil.
2- Sual: Etikaf halında bütün günü dəstəmazlı olmaq lazımdırmı?
Cavab: Etikaf halında bütün günü dəstəmazlı olmaq vacib deyil. Amma hər halda dəstəmazlı olmaq müstəhəbdir.
3- Sual: Əgər bir insan məsciddə etikaf günlərində cənabtli olarsa, vəzifəsi nədir?
Cavab: Əgər cənabətli olarsa, məsciddən tez çıxıb, cənabət qüslu verməlidir. Amma etikafı düzgündür. Amma əgər bilərəkdən istimna və onun kimi işlər əsərində olarsa, etikafı batildir.
4- Sual: Ən az və ən çəx etikaf müddəti nə qədərdir?
Cavab: Etikafın ən azı üç gündür və ən çoxu təyin edilməyib. Hər vaxt etikafa iki gün artırarsa, üçüncü gün vacib olur, etikafın ən fəzilətli günləri ramazan ayının axırıncı on günüdür.
5- Sual: Ata və ananın icazəsi olmadan etikaf saxlamaq olarmı?
Cavab: Əziyyət olmadığı təqdirdə valideynin izni şərt deyil. Ancaq övlad bilsə ki, ata və anası etikaf saxlamaqda övlada mehribançılıq və məhəbbət cəhətindən narahat olacaqlar, onda gərək onların razılığını cəlb etsin. Amma valideynin inkarı və nəhyi ilə etikaf batildir.
6- Sual: Müstəhəbi etikaf saxlamaq üçün məscidə getmişık, onu poza bilərikmi?
Cavab: Müstəhəbi etlikafı iki gün tamam olmamışdan qabaq pozmaq olar. Amma iki gün keçsə, üçüncü günün etikafı vacib olur.
7- Sual: Şəhərin butun məscidlərində etikaf saxlamaq düzgündür?
Cavab: Etikaf, şəhərin came məscidində olmalıdır və başqa məscidlərdə və ya unverstetlərin namazxanalarında, etikaf saxlamaq düzgün deyil.
Came məscidi o məscidə deyilir ki, bazar, qəbilə və məhəllə məscidləri kimi məxsus bir qurup üçün tikilməmişdir. Mümkündür cami məscidi çoxlu və bir- birinə yaxın olsun.
8- Sual: Hansı hallarda insana etikaf vacib olur?
Cavab: Bir şəxs nəzir ya əhd etsə ya and içsə ki, etikaf saxlasın, bu halda etikaf vacib olur və həmçinin iki gün qalan insana üçüncü günün etikafı vacib olur.
9- Sual: Etikaf edən şəxs, etikafın üç gün orucunu nəzir, qəza və kəffarə hesab edə bilər?
Cavab: Bəli. Nəzir, qəza və kəffarə oruclarını etikafda əncam verə bilər. Lazım deyil oruc tutmaq etikaf üçün olsun.
10- Sual: Etikafda məscidin həyəti məscid hökmündədir?
Cavab: Məscidin həyəti məscid hökmündə deyil. Amma məlum olsa ki, həyəti də məscid adı ilə birgə vəqf ediblər, onda məscid hökmündədir.
11- Sual: Cümə namazına getmək üçün etikaf yerindən xaric olmaq olarmı?
Cavab: Zahir budur ki, xarc olmaq olar. Amma lazım olan ən az zamanı riayət etməlidir.
12- Sual: Atadan icazə almadan övladın etikafı səhihdir?
Cavab: Əgər valideynin əziyyətinə səbəb olmasa, icazə almağa ehtuyac yoxdur.
13- Sual: Etikafın üçüncü günü şəxs xəstələnərsə ya bir zərurət qabağa gələrsə, etikafı sındıra bilərmi?
Cavab: Orucu üzürlü səbəbdən tuta bilməzsə, etikaf batil olur. Kəffarəsi də yoxdur.
14- Sual: Cami məsciddən qeyri (universitetin namazxanası kimi) yerdə etikafən hökmü nədir?
Cavab: Cami məscidindən qeyri yerlərdə etikaf səhih deyil və etikafın hökümlərini daşımır. Cami məscid o məsciddir ki, məxsus qurupa və qəbiləyə xass deyil. Kütlənin müxtəlif təbəqələri o məscidə get- gəl edirlər.
15- Sual: Məkkəyə gedən şəxslər Məscidul- haramda etikaf saxlaya bilərlər?
Cavab: Əgər Məkkədə on gün qalmaq niyyətləri olsa və ya səfərdə orucu nəzir etmiş olsalar etikafın işkalı yoxdur. Qeyri surətdə səhih deyil, və etikaf saxlamaq batildir.
16- Sual: Etikaf günlərində dərs siniflərində iştirak edə bilərik?
Cavab: Dərs siniflərinə getmək etikaf saxlanılan yerdən çıxılması cayiz olan yerlərdən deyil.